• زيارات الصفحة:120
أصل تسمية كفرالشيخ بهذا الأسم
[miniorange_social_sharing_vertical]

أصل تسمية كفرالشيخ بهذا الأسم

  • عارفين ان لو عايزين تعرفوا ليه كفرالشيخ اتسمت بالاسم دا لازم تروحوا مسجد سيدى طلحه علشان تعرفوا اجابة السؤال دا .
    – بس دليل كفرالشيخ هيقولكم الاجابه من غير ما تروحوا .
    – مسجد سيدى طلحه اتسمى بالاسم دا نسبة الى الشيخ طلحة أبي سعيد بن مدين التلمساني
    اللى اتولد فى المغرب في عهد الدولة الايوبية، و بيقام الاحتفال بمولده في خريف كل عام في مدينة كفر الشيخ .
    – انتقل الشيخ طلحه للعيش فيها عام 600 من تلمسان بلاد المغرب، و كان تقيا و علشان كده الناس حبته و قررت تبنى مسجد مكان الزاويه اللى كان بيصلى فيها بيهم، و المسجد اتوسع على مدار التاريخ و اتسمى مسجد سيدى طلحه .
    – و الشيخ طلحه عاش فى كفرالشيخ 31 سنه، و كان ليه بركات كتير و اقام اهل القريه ضريح ليه حمل اسمه و من يومها القريه دى بقت اسمها كفرالشيخ طلحه، و توفى الشيخ طلحه فى 15 رمضان عام 631هـ/ 1234 م عن عمر 67 سنه و دفن بنفس المصلى حيث ضريحه الحالى .
    – الملك فؤاد مع مرور الزمن سماها الفؤاديه وده حصل عام 1949 و بنى فيها قصره .
    – و مع قيام ثورة 23 يوليو تم اعادة تسمية القرية باسمها الاول بنائا على قرار مجلس قيادة الثورة بس تم اختصاره من كفرالشيخ طلحه الى كفرالشيخ علشان ميبقاش طويل و من يومها كفرالشيخ و هيا معروفه بالاسم دا
    – عرفتوا بقى اصل مدينة كفرالشيخ.
اترك تعليق

جميع الحقوق محفوظة - موقع كفرالشيخ
دليل كفر الشيخ © 2019 - 2020

تصميم وتنفيذ rowaad